МОЛИТВОСЛОВ: Семь христианских молитв

6) Молитва Серафиму Саровскому
О пречудный Отче Серафиме! Великий Саровский чудовтворче, всем прибегающим к тебе скоропослушный помощниче. Во дни земнаго жития твоего никтоже от тебе тощ и неутешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных трудов к небесному успокоению, николиже любы твоя преста от нас, и невозможно есть исчислити чудеса твоя, умножившаяся, яко звезды небесныя: се бо по всем концем земли нашея людем Божиим являешися и даруеши им исцеления. Темже и мы вопием ти: о претизий и кроткий угодниче Божий, дерзновенный к Нему молитвенниче, николиже призывающиая тя отреваяй! Вознеси о нас благомощную твою молитву ко Господу сил! Да дарует нам вся благопотребная в жизни сей и вя к душевному спасению полезная, да оградит нас от падений греховных и истинному пакаянию да научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь!